البقسماط المقرمش هاتي الشاي معاكي من مراميرو

بسم الله الرحمن الرحيم

الموضوع كما كتبته صاحبته

السلام عليكم ورحمة الله وبركاته
الحمدلله والصلاة والسلام على رسول الله
وعلى آله وصحبه أجمعين
وحشتوني جدا جدا من هنا لبكرة
و عدت و معايا موضوع بستاهل
البقسماط المقرمش
اولا من هنا احب اشكر و ادعو للشيف احمد القاضي
الراجل ده فعلا محترم و راقي باخلاقه
اللهم اجزه الفردوس الاعلي
مقادير البقسماط ليه
و المقادير هي
500 جرام دقيق
100 جرام زيت ( مهم زيت عشان يخرفش )
30 جرام سكر ( و ده مهم جدا عشان ده اللي بيكسب اللون الدهبي )
7 جرام خميرة فورية = تقريبا 1 م ك خميرة فورية
225 ملل مية فاترة
5 جرام ملح
من عندي اضفت م ص محلب
م ص ينسون مطحون
م ص شمر مطحون
3 م ك سمسم
2 م ك حبة البركة
الطريقة
ننخل الدقيق كويس جدا جدا
و نضيف عليه المكونات الجافة ما عدا الخميرة و السكر

و بعدين
ننشط الخميرة
نضيف جزء من المية مع السكر مع الخميرة مع بعض

و بعدين ننزل بالزيت علي الدقيق

و نحاول ندخل الزيت في الدقيق كويس جدا

و بعدين نضيف الخميرة النشطة
الى الدقيق الممزوج بالزيت

و بعدين نضيف باقي المية
و نلم العجينة كويس و نضعها في كيس بلاستيك
و نتركها ترتاح تقريبا من ربع الي نص ساعة
و خاصة ان الجو بارد

و بعدين نبدأ في التشكيل و دي اشد المراحل تعبا في وجهة نظري
ههههههه محتاجة طولت بال نيجي بقي علي اهم تكة

الخبز و التسوية بتم علي نار هادية
تقريبا 160
الرف الاوسط
و براحتها خالص

و النتيجة فعلا تستحق

اتمني انه يعجبكم
و تجربوه

للمزيد من مواضيعي

 

اذا حبيتو الطبق اذكروني

ومن دعوة حلوة لا تنسوني

واذا في أي سؤال اسألوني

بمدونتي بتلاقوني

ومع طبق جديد انتظروني